येशू ख्रिस्त पित्याविषयी स्पष्टपणे शिकवतो.

हेच अनंत (सार्वकालिक) जीवन आहे—की त्यांनी तुला, एकमेव खऱ्या देवाला आणि तू पाठविलेल्या येशू ख्रिस्ताला ओळखावे. (योहान १७:३)

देवाला कोणीहि कधीच पाहिले नाही. पित्याच्या हृदयाजवळ असलेला एकुलता एक पुत्र, जो स्वतः देव आहे, त्यानेच त्याला प्रगट केले आहे. (योहान १:१८)

माझ्या पित्याने सर्व काही माझ्या हाती दिले आहे; आणि पुत्र कोण आहे हे पित्याशिवाय कोणी जाणत नाही, तसेच पिता कोण आहे हे पुत्राशिवाय किंवा ज्याला पुत्र प्रगट करतो त्याच्याशिवाय कोणीही जाणत नाही. (लूक १०:२२)

देवपुत्राने आपल्या पित्याचे प्रकटीकरण चित्रांद्वारे केले नाही, तर देवाच्या वचनाद्वारे केले. देव पित्याचे खरे ‘चित्र’ म्हणजे ते, जे परिशुद्ध आत्मा देवाच्या वचनाचे श्रवण किंवा वाचन करताना, ज्याच्या अंतःकरणात परिशुद्ध आत्मा वास करतो, अशा व्यक्तीच्या हृदयात प्रगट व प्रकाशित करतो.

देवाचे वचन समजून घेण्यासाठी आपल्याला ज्ञान प्राप्त करणे आवश्यक आहे (मत्तय १३:९, दानिएल १२:८-१०). कारण देवाचे वचन परिशुद्ध आत्म्याच्या प्रेरणेने लिहिले गेले आहे, त्यामुळे त्याचा खरा अर्थ काय आहे हे समजण्यासाठी ते वचन परिशुद्ध आत्म्यानेच आपल्यासाठी वाचले पाहिजे. (जो देवाला त्याचा वाचनाद्वारे अभिप्रेत असा अर्थ आहे.)(यशया ३४:१६). आपण सत्याच्या परिपूर्णतेपर्यंत तेव्हाच पोहोचतो, जेव्हा आपण सत्याचा आत्मा प्राप्त करतो. (योहान १६:१३-१४). सत्य म्हणजे देवाचे वचन आहे (योहान १७:१७). देवाची मुले जेव्हा देवाच्या वचनाच्या परिपूर्णतेकडे नेली जातील, तेव्हाच ते देवाला पूर्णपणे ओळखतील. हे सर्व युगांच्या शेवटी घडेल.

मला अद्याप तुम्हाला पुष्कळ गोष्टी सांगावयाच्या आहेत, परंतु आत्ताच तुमच्याने त्या सोसवणार नाहीत; तरी तो सत्याचा आत्मा येईल तेव्हा तो तुम्हाला मार्ग दाखवून सर्व सत्यात नेईल कारण तो आपल्या स्वतःचे सांगणार नाही; तर जे काही ऐकेल, तेच सांगेल; आणि होणाऱ्या गोष्टी तुम्हाला कळवील. (योहान १६:१२- १३)

देव आपल्याला सत्याचा आत्मा तेव्हाच देतो, जेव्हा देवपुत्र या पृथ्वीवर गौरविला जातो. देवपुत्र आपल्या पहिल्या आगमनात गौरविला गेला नाही; उलट त्याने देव पित्याचे गौरव केले. देवपुत्र या पृथ्वीवर दुसऱ्या आगमनातच गौरविला जाईल.

मी तुम्हाला हे अन्योक्तीने सांगितले आहे; पण असा काळ येत आहे, जेव्हा मी अन्योक्तीने आणखी काही बोलणार नाही, तर पित्याविषयी तुम्हाला स्पष्टपणे सांगेन. (योहान १६:२५)

आपल्या पहिल्या आगमनात येशू ख्रिस्ताने आपल्या पित्याविषयी दाखल्यांमध्ये सांगितले. तो पुन्हा या पृथ्वीवर येईल तेव्हा तो पित्याविषयी सुस्पष्टपणे सांगेल, असे त्याने जाहीर केले.

आपल्याला ठाऊक आहे की, देवाचा पुत्र आला आहे, आणि जो सत्य आहे त्याला ओळखण्याची बुद्धी त्याने आपल्याला दिलेली आहे. जो सत्य आहे त्याच्या ठायी, म्हणजे त्याचा पुत्र येशू ख्रिस्त ह्याच्या ठायी, आपण आहो. हाच खरा देव आणि सार्वकालिक जीवन आहे. (१ योहान ५:२०)

याचा अर्थ असा की, आपण आता देव पित्याला स्पष्टपणे  ओळखू शकतो, आणि  सत्यात याचे एक मोठें प्रमाण म्हणजे देवपुत्र या जगात पुन्हा देह धारण करून आलेला आहे.

प्रभु पिताची भीती ही ज्ञानाची सुरुवात आहे, आणि परिशुद्ध देवपित्याचे ज्ञान हेच खरे ज्ञान आहे. (नीतिसूत्रे ९:१०)

देव पित्याचे एक नाव आहे, आणि ते अत्यंत परिशुद्ध नाव फक्त येशू ख्रिस्तच आपल्या भाऊ-बहिणींना प्रगट करील. (यशया ५२:६ ; इब्री २:१२). आता आपण देवाच्या वचनाद्वारे देव पित्याचे नाव ओळखले आहे! आता आपण त्यांच्या कार्यांविषयी जाणले आहे! पाहा, आपल्याला सत्याच्या परिपूर्णतेकडे नेले जात आहे!

आपल्याला माहीत आहे की देवपुत्र आला आहे, आणि त्याने आपल्याला समज दिली आहे, जेणेकरून आपण त्या खऱ्या देव पित्याला ओळखू शकू! जो सत्य आहे!