युगांच्या अंतापूर्वी पूर्ण होणाऱ्या सात गोष्टी

प्रभु पिता ही पृथ्वी नष्ट करण्यापूर्वी सात अशा घटना आहेत ज्या नक्कीच पूर्ण व्हायला हव्यात.

प्रभुचे वचन साक्ष देते की प्रभुच्या दिवशी ही पृथ्वी आणि आकाश नष्ट होतील (२ पेत्र ३:१०). पण बराच काळ काही लोक म्हणत आले आहेत की येशू ख्रिस्त पुन्हा येणार आहेत आणि जगाचा अंत होणार आहे. तरीही आतापर्यंत काहीही घडलेले नाही.

ज्याने शून्यातून सर्व सृष्टी निर्माण केली, त्या प्रभुला ही पृथ्वी नष्ट करण्यासाठी कोणाचीही परवानगी लागणार नाही. तसेच त्यांना आपल्या कृत्यांचा हिशोब कुणालाही द्यावा लागणार नाही. तरीसुद्धा, पृथ्वीवर या सात घटना पूर्ण होईपर्यंत प्रभु ती नष्ट करणार नाहीत.

प्रभु न्यायी आहेत आणि त्यांची सर्व कृत्ये उत्तम व चांगली आहेत (बेनसिरा ३९:१६–२१). त्यांच्या प्रत्येक कार्यासाठी एक ठरवलेला वेळ आहे, जो त्यांच्या अनंत ज्ञानाने निश्चित केलेला आहे (उपदेशक ३:१). संपूर्ण सृष्टी, मनुष्य, सैतान व त्याचे दुष्ट दूत, हे ब्रह्मांड, स्वर्ग, परिशुद्ध माता, परिशुद्ध आत्मा आणि प्रभुचा पुत्र — हे सर्व प्रभुच्या अधीन आहेत. ज्यांच्यात  परिशुद्ध आत्मा आहे, जे प्रभुच्या वचनाच्या प्रकाशात जगतात आणि ज्यांच्याकडे दैवी ज्ञान आहे, ते या काळाला ओळखतील (उपदेशक ८:५).

परिशुद्ध बायबलमध्ये लिहिलेल्या प्रभुच्या वचनांच्या आधारावर, युगांच्या अंतापूर्वी सात गोष्टी पूर्ण होणे आवश्यक आहे.

१) सर्व मनुष्य, ज्यांना प्रभुने सुरुवातीपासूनच जन्म देण्याचा निर्णय घेतला आणि आदामामध्ये एकत्रित केले होते, त्यांचा या पृथ्वीवर जन्म होणे आवश्यक आहे (प्रेषितांची कृत्ये १७:२६–२८, यशया २६:१८–१९).

२) प्रभुचा पुत्र, येशू ख्रिस्त, यांना पुन्हा एकदा या पृथ्वीवर देह धारण करून यावे लागेल (योहान १४:१–३, २ योहान १:७).

३) येशू ख्रिस्त यांच्या पुनरागमनासाठी मार्ग तयार करण्यासाठी जुन्या संदेष्ट्यांना पुन्हा या पृथ्वीवर यावे लागेल (यशया ४१:२५–२८, मलाखी ४:५, मत्तय २३:३४, मत्तय १६:१३–१४).

४) ख्रिस्त विरोधी म्हणजेच अंतख्रिस्त, जो नाशाचा पुत्र आहे, त्याचा या पृथ्वीवर जन्म होणे आवश्यक आहे. (२ थेस्सलनीककर २:३–४).

५) मृतांचे पुनरुत्थान होणे आवश्यक आहे (दानिएल १२:२, यशया २६:१८–१९).

६) प्रभुच्या तिसऱ्या राज्याच्या सुवार्तेचा प्रचार संपूर्ण जगात केला गेला पाहिजे. (प्रभुच्या पहिल्या व दुसऱ्या राज्याची सुवार्ता आधीच संपूर्ण जगात प्रचारली गेली आहे) (मत्तय २४:१४).

७) प्रभु पित्याचा पुत्र, इमॅन्युएल, याने सर्व नियम, सत्ता आणि अधिकार नष्ट करून राज्य प्रभु पित्याच्या स्वाधीन करावे (१ करिंथकर १५:२४).

यापैकी बहुतांश गोष्टी आधीच पूर्ण झाल्या आहेत.